როგორ აპირებს „ბეტაჰოლდინგი“ ადამიანურ რესურსებში ინვესტირებას
ინტერვიუ HR მენეჯერთან, მარიკა გრიგოლიასთან – ტალანტების მოზიდვაზე, კორპორაციულ კულტურასა და თანამშრომელთა განვითარებაზე.
„ბეტა ჰოლდინგი“ ახალ ეტაპზე გადადის – კომპანია ადამიანურ რესურსებში ინვესტირებას პრიორიტეტად აყენებს. HR მენეჯერი, მარიკა გრიგოლია, გვიყვება, როგორ აპირებს ჰოლდინგი ახალი ტალანტების მოზიდვას, გუნდურობის გაძლიერებას და კორპორატიული კულტურის განვითარებას. ინტერვიუში დეტალურადაა განხილული თანამშრომელთა პროფესიული განვითარების შესაძლებლობები და ის, თუ რა განასხვავებს „ბეტა ჰოლდინგს“ სხვა დამსაქმებლებისგან.
– მარიკა როგორია „BETA HOLDING“-ის მთავარი პრიორიტეტები უახლოეს მომავალში?
– ჩვენი მთავარი პრიორიტეტებია ახალი ტალანტების მოზიდვა და მათი ეფექტური ინტეგრაცია. ამ მიზნით, ვგეგმავთ თანამშრომლების შეფასებისა და უკუკავშირის სისტემების დანერგვას. ეს საშუალებას მოგვცემს, თითოეული თანამშრომლის ძლიერი მხარეები აღმოვაჩინოთ, ხელი შევუწყოთ მათ განვითარებას და დავაფასოთ მათი წვლილი კომპანიის წარმატებაში.
– რა უნარებისა და კვალიფიკაციის მქონე კადრებია დღეს ყველაზე მოთხოვნადი თქვენს ჰოლდინგში?
– ჩვენთვის ყველაზე მოთხოვნადია ისეთი პროფესიონალები, რომლებიც პროფესიულ ზრდაზე არიან ორიენტირებულნი და მზად არიან, ფეხი აუწყონ კომპანიის სწრაფ განვითარებას. „ბეტა ჰოლდინგი“ ეფუძნება გუნდურობის პრინციპს, ამიტომ ვარჩევთ ადამიანებს, რომლებსაც შეუძლიათ ეფექტური თანამშრომლობა და ცოდნის გაზიარება. სწორედ ასეთი მიდგომით ვქმნით ძლიერ გუნდს.
– რა პროგრამებს ან ტრენინგებს სთავაზობს კომპანია თანამშრომლების პროფესიულ განვითარებასთან დაკავშირებით?
– ამჟამად, კომპანიაში აქტიურად ვნერგავთ სერვის + სტანდარტებს, რაც მომსახურების ხარისხს ახალ ეტაპზე გადაიყვანს. ასევე, ვავითარებთ ივენთების მიმართულებას, სადაც მზად ვართ გამოუცდელი ტალანტების მისაღებად და მათ ჩვენი რესურსებით გადავამზადებთ. ამ პროგრამებით ვცდილობთ, თანამშრომლები მუდმივად განვითარდნენ და დაეუფლონ ახალ უნარებს.
– როგორ ზრუნავს „ბეტა ჰოლდინგი“ თანამშრომელთა მოტივაციასა და შიდა კომუნიკაციაზე?
– ჩვენი კომპანია დიდ მნიშვნელობას ანიჭებს შიდა კომუნიკაციას. ვამკვიდრებთ კომუნიკაციის კულტურას, სადაც ყველა თანამშრომელი თანასწორია. გვაქვს რეგულარული შეხვედრები როგორც მენეჯმენტთან, ასევე მთელ გუნდთან, სადაც განვიხილავთ შედეგებს და ვახალისებთ საუკეთესო თანამშრომლებს. ამასთან, მიმდინარეობს HR პროგრამის შექმნა, რომელიც თანამშრომლებს გაუმარტივებს შეკვეთებზე მუშაობას და გააუმჯობესებს ინფორმაციის მიმოცვლას გუნდის შიგნით.
– რა მნიშვნელობა აქვს კომპანიისთვის კორპორაციულ კულტურას და გუნდურობას?
– ჩვენი კორპორაციული კულტურა ურთიერთდახმარებაზეა დაფუძნებული. აქ ყველა თანამშრომელი მზადაა, საკუთარი ცოდნა გაუზიაროს კოლეგას მის წინსვლისთვის. ჩვენ სიხარულით ვხვდებით ახალ თანამშრომლებს და ვეხმარებით, სწრაფად მოერგონ გუნდს. ვთვლით, რომ ურთიერთპატივისცემა და თანადგომა ყველაზე მნიშვნელოვანია, რაც შეიძლება ძლიერ გუნდს ჰქონდეს.
– რა გამოწვევებს ხედავთ HR-ის მიმართულებით და როგორ აპირებთ მათ გადაჭრას?
– HR-ის მიმართულება ჩვენთვის ახალი დეპარტამენტია. მთავარი გამოწვევა ახალი ტალანტების მოზიდვაა. თუმცა, დარწმუნებულნი ვართ, რომ ის სიახლეები, რასაც ამ მიმართულებით ვნერგავთ (სისტემების გაუმჯობესება, კომუნიკაციის სტანდარტების ჩამოყალიბება), გაზრდის როგორც ახალი თანამშრომლების მოზიდვის, ასევე არსებული გუნდის გაძლიერების შესაძლებლობებს.
– თქვენი აზრით, რით გამოირჩევა „ბეტა ჰოლდინგი“, როგორც დამსაქმებელი სხვა კომპანიებთან შედარებით?
– ჩემი სამუშაო გამოცდილებიდან გამომდინარე, კარგად ვიცი, როგორც კარგი დამსაქმებლის, ასევე თანამშრომლის ფასი. ჩვენი ჰოლდინგი გამოირჩევა იმით, რომ არ ჩერდება ერთ ადგილზე. ჩვენ გვაქვს დიდი მიზნები და ყველაფერს ვაკეთებთ მათ მისაღწევად. რაც მთავარია, ჩვენი თანამშრომლები სიხარულით იზიარებენ კომპანიის წარმატებას და საკუთარი შრომისმოყვარეობით ეხმარებიან მას სწორი ნაბიჯების გადადგმაში.
„ბეტა ჰოლდინგი“ – ადამიანურ რესურსებზე ორიენტირებული კომპანია
„ბეტა ჰოლდინგი“ განაგრძობს განვითარებას და განსაკუთრებულ ყურადღებას უთმობს ადამიანურ რესურსებს.
კომპანია აერთიანებს ოთხ მიმართულებას – „ბეტა პრინტს“, „ბეტა ივენთს“ და „ბეტა მატერიალსს“ – და მომხმარებლებს სთავაზობს მრავალმხრივ სერვისს: სარეკლამო და პოლიგრაფიული მომსახურება, ღონისძიებების ორგანიზება დამართვა, სამშენებლო და სარეკლამო მასალების რეალიზაცია.
17-წლიანი გამოცდილებით, „ბეტა ჰოლდინგი“ უკვე დამკვიდრებულია ქართულ ბაზარზე, როგორც ინოვაციური და საიმედო პარტნიორი.
